DCR錢包常見問題

 

常見問題一︰明明話我投左票VOTED左，但係 Overview條總數，點解唔見左投票哥百幾粒DCR既？

剛剛新鮮出爐投好的票，係未有咁快從Blockchain上反映的，甚至版面上Locked 既數量都見唔到你投左票哥百幾粒DCR，哩個時候你打開張票望下

你留意一下 Height 夠唔夠256個Blocks，即係左手箭咀個數減去右手height個數夠唔夠256，要夠數先會係你錢包總數度反映出黎，未夠就等下，好快會出現，放心。

常見問題二︰係咪次次投票都一定投到，每次都有息賺？

 

非也，人有失手馬有失蹄，總會遇著 Miss Ticket 情況發生，即係你張票失效投唔到，蝕左時間又蝕埋當初所扣既微量手續費，但哩個情況都甚少發生。至於失敗原因都有好多，有時咁啱投正你哥張票時電腦Hang機，網斷左等等不可抗力因素。

 

 

 咁我自己投左35次遇上過兩次

 

 

常見問題三︰換新電腦輸入返private key 哥時，點解我有堆DCR唔見左既！明明我唔止咁少DCR，舊電腦正常顯示到，但新電腦就冇左一堆，明明同一個KEY

原因在於投票問題。新電腦唔見左一堆DCR，所唔見到既其實係正在投緊票被鎖住左既哥堆DCR，並非唔見左或者電腦壞左冇顯示的原因。

之前講到Account 有兩個，一個defalut 代表住你可以運用到既DCR，即係你可以隨時射幣比人地， 冇被投票鎖死左。當你用電話APPS登入時，都只會顯示Default account入面既數量。

 

而 imported account 係指正在投票中的DCR數量，由於電話APPS冇得投票，所以唔會顯示到哩個 account 。

至於點先可以係新電腦度同步返 imported account 投票中的DCR呢，好簡單︰

 

只要你返去你當初註冊票池既網站度登入，搵返你條API KEY重新輸入就可以解決了，如果唔記得自己當初用左邊個Pool，你想辦法搵Email記錄，凡事做好備份，最好就自己抄低所有資料啦。

~完~

相關文章

DCR投票

新啟動DCR錢包

DCR投票

 

成日話投票，到底係乜野黎呢？

 

DCR 除左儲起佢之外，仲可以將佢放入一個投票池裏面鎖定， 達到某個日子之後會釋放出黎，鎖定期間你冇得運用哥D幣，所以官方會比返利息你作答謝，所以參與投票活動係可以無形中賺取更多DCR，就好似定期咁樣，唔郁筆錢一段時間，銀行會比利息你，一樣道理。

 

首次登記做投票人︰

 

 

揀選左手邊 Ticket 一欄後，會見到上面畫面，橙色箭咀指住  Current Price 代表而家每一張票入場費係128粒，即係話你錢包最少要有128.5940188粒DCR先可以投票，少過佢要求都冇得玩，而且個價錢都越來越貴，佢唔會永遠一樣價，會不停變。 但你都可以登記左先既

 

 

 

Stakepool 即係投票池，就有好多唔同票池你揀，意思即係將你一票交比邊個池既負責人去幫你自動進行投票過程，你投完之後可以關閉電腦唔洗理，所以會收你費用，費用由你既利息入面扣1%-5%，不同池有不同收費，個人建議揀返1%-2%收費的池比較合理。揀好之後就禁入去右手邊顯示哥條LINK進行註冊， 每一個票池都有一條相屬既LINK，而每一個池都有自己網站風格，但註冊過程都大同小異，以下我用其中一個池做例子︰

 

 

 

輸入你自己資料然後按註冊

 按指示去登記既EMAIL度做確認

 

 

 

然後按登錄，按照剛才你註冊時登記的資料進行登入

 

 

登入後會見到上面畫面，箭頭所指住係你專屬API，全行API  COPY左佢，之後返去你個wallet度

 

 

 

然後貼到箭咀所示API KEY位置，然後按 Continue

 然後輸入你開錢包時既密碼，再按 Continue

 咁就完成左架啦，你會見到彈出一句 Successfully, 同埋左下角會馬上重新同步一次blockchain，然後你按 Cancel 就可以出返去

 

 

之後你都會睇到哩個版面，哥一句Ticket auto buyer not available while using SPV 唔洗理會，我地錢包係自動開左SPV，SPV 係有人幫你管理投票，如果你關左佢的話，你想投票就要自己長著部電腦，同埋再要有IT知識先做到，你起碼有過百張票要投先考慮啦，否則不用理會哥句野。自己禁個  Purchase制就可以投票。

投票過程︰

 當你夠入場費之後，Amount度輸入你想買幾多張票，然後按 Purchase

 每次要投票都要輸入密碼，輸入好之後按 Continue，之後會出現一句購買成功等字句，彈出黎一閃即逝。

你會見到扣左好微量DCR，因為每買一張票，都要扣微量手續費的，右邊投票狀態一欄見到 Unmined 代表正在幫你將你一票投入去票池度，過程進行中既意思，大約十幾分鐘之後會變成Immature字眼

 

 

其實由你輸入好密碼購買之後，你可以關電腦乜都唔洗理。

如上圖 "LIVE" 意思係張票正在進行投票中，大家經歷漫長既等待，直至等到Voted， 代表已經投好票，利息已經入你袋。見到Voted就最開心啦，搞店一輪投票有錢收，咁投票一輪需要幾多日呢？根據官方數據係平均大約28日投一次，我試過1日就投好，亦試過88日先投好既鐵票，拉勻平均數大約20幾日左右啦。

 

真投票

 

 

點解叫投票呢，其實真係有得比你投票，當然你唔投都有利息收，投左可以反映一下你取態，前往 Governance 度就見到正在進行既投票議案，你係可以參與投票的。

~完~

 

上一篇︰新啟動DCR錢包

下一篇︰DCR錢包常見問題

 

 

新啟動DCR錢包

 

DCR 有自己專屬錢包，包括電腦版與手機版 ，兩者功能大同小異，只係手機版冇投票功能。以下會逐樣講解DCR錢包每一樣細節

 

 

 首先，要去官網 https://decred.org/ 下載錢包，謹記去官網下載，避免去左釣魚網站就大獲

 

 

入到官網之後會見到download，禁入去下載

 

 

 

下載好然後按執行

 

 

安裝好之後畫面會自動彈出

 

 

新開錢包就禁  Create new wallet

 

 

自己鐘意改乜名就乜名，然後禁 Continue

 

 

記得好好抄低佢！ 

唔見左喊都冇用，超級重要，他日你換電腦或者手機APPS連結，都要靠哩33個字復活

 

 

禁 Continue後會見到哩一版，按頭先你抄低哥堆字，按順序填空格，然後下面 Passphrase 輸入密碼，千萬要記得密碼！唔記得左冇人救到你，完成後按 Create wallet

 

 

 

之後系統會自動進行同步數據，同步需時視乎你電腦運算速度與網速，快則幾分鐘，慢則半小時。

 

 

同步好之後會見到各種功能，Overview 就見到自己總共有幾多DCR，投票情況以及交易記錄， Transaction 即係射幣比人同埋收幣

 

 

SEND 即係比DCR人地，咁由你個 default account 或者其他指定account入面扣數，

Receive 即係收幣，人地射幣比你，咁個錢包地址每次關閉電腦後重開都會唔同左樣，不斷派新地址比你，但你唔洗擔心，你用開哥條舊地址可以一直繼續用，都會收到幣 ，唔會射左落公海，你係會收到幣的，放心。你鐘意可以次次用新地址都得。最後條總數在 Overview度會睇到。

 

至於 Account，即係將你個wallet再細分唔同細錢包分類，例如一個account生活費用，一個account娛樂用，任你分幾多個account都可以，或者一直用預設default都可以。另一個 Imported account係咩黎呢，佢專係放置投票中的DCR，下篇文章再講投票。

~完~

延伸閱讀 ︰

 

DCR投票

DCR錢包常見問題

 

換新電話時Google Authenticator 2FA如何更新

 

要知道如何轉換Google Authenticator 2FA落去新電話之前，首先要同大家強調備份的重要性。

每當大家去一個新網站，去開啟一個全新Google Authenticator 時候，一般開動新2FA時步驟都如下︰

首先叫你DOWN好個APP, 再SCAN個QR CODE，強烈建議大家禁入去 enter code manually instead 度抄低組號碼佢先

 因為組號碼救命用，之後會講。

 

你打開GOOGLE個APP, 禁一禁圖示個"+"號就可以SCAN

 

SCAN好之後，會叫你輸入所顯示既6位數字，照打就OK

 輸入好之後，重點黎啦！往往大家都忽視左既，而家同大家講，你一定一定一定一定一定要抄好條KEY佢！

 好多人都唔知要抄低，有人同我講乜有D咁既野架咩？條KEY係乜野黎呢？佢就等同於你地Trezor cold wallet條 recovery seed一樣，用黎救命用，有乜事輸入返條KEY就可以係任何新電話度開得返，所以大家一定要抄低佢！因為條KEY只會係新開時出現一次架啫，以後你都唔能夠再見返佢，所以好好保存。

換電話點算呢？

情況一︰

如果你當初有抄低到帳號code同埋key的話就最方便啦，照樣輸入返新電話就OK

 

 

 帳號名稱輸入乜野都OK，只係比你知道係連結邊個網站，比你清楚知道。而您的密鑰就係輪入當初開戶既code，即係下面哥個，輸入好之後就成功轉移新電話啦。

有D網站就做得比較全面，即使你冇抄低當初開戶code，你仍然可以用recovery key黎關閉2FA比你再重開登記

咁哩樣野有D網站有，有D網站冇，安全起見乜都抄低晒佢啦

 

情況二︰

如果你當初冇抄低到個KEY的話，而你仲有部舊電話係手，你就拿拿聲逐個網站登入返，熄左個2FA佢，然後再重啟，重啟後記得抄低好個KEY同埋Account code KEEP實佢啦，咁就可以順利搬到新電話。

 

情況三︰

如果你舊電話死左又或者比人偷左唔見左，咁就唯有逐個網站send email叫人地客服幫你處理，重新根據不同網站再做一次KYC啦。

~完~