Mcoin
Mcoin 佢係抓力全開入面係一種代幣，即係我地去歡樂天地，嘉年華同埋遊戲機鋪打機哥時，要去收銀柜枱唱錢換代幣先可以玩，你地亦可以將MCOIN睇成係去海洋公園或者迪迪尼入場門券，你要比錢買飛先可以入去玩，你唔可以就咁比現實生活既錢就入去玩，要通過一種代幣先得。就好似坐地鐵你要買飛先入到閘，唔係入錢。
咁Mcoin除左用黎玩夾公仔之外，就冇其他用處架啦，即係你攞住熊貓樂園個代幣走去銀行話存錢，睇下有冇人拉你去青山。
世界各地玩家要玩夾公仔，就必定要課金唱代幣Mcoin玩，咁玩家係比真錢買Mcoin架嘛，咁營運商收到既就係真錢，你地可以當Mcoin係貨物，賣左出去就有錢落袋，理得佢將D Coin用黎供奉定珍藏，玩唔玩好丫，賣左就有收入。
X-point / XPT與BITCOIN
X point 簡稱XPT，你可以當佢係一種代幣，又或者係積分，佢既誕生係為左將Bitcoin細拆，因為大家都知Bitcoin係小數點後8個位，而隨住Bitcoin價值日漸攀升，加上wallet之間傳送BTC都用唔少時間，少則十幾分鐘，長則幾個鐘，人地買杯咖啡唔通叫人等下先，等返十幾分鐘確認好交易你先好飲杯咖啡呀，杯野都凍晒啦。有見及此，有一班IT界及虛幣界人才就諗到創造出一種BTC散紙，即係而家我地見到既Xpoint，佢恒定同BTC掛勾，1:100萬 (1:1,000,000) 直至地球毁滅，都係1:100萬，所以BTC上上落落價錢都唔會影響到佢，仲恒定過港紙同美金掛勾。
Xpoint佢本身有一套系統記錄低每個帳戶訊息，而且該系統有不少保安設計保護防黑客。咁XPT係唔係虛幣黎呢？非也。XPT並不是一種加密貨幣，佢並不是由區塊鏈誕生，所以大家去blockchain度係查唔到，咁做目的係為左加快每一單交易成交，達時即秒確認，先可以係大家生活上使用。有人會話， 現時有D虛幣經blockchain都係好快交易確認，快過BTC，點解唔用blockchain，咁快過BTC都係要等，短極時間都係等，同埋blockchain交易確認時間長短唔可以控制，香港人成日滾水淥腳咁，乜都要快，行入地鐵站慢D都比後面既人推你。
大家可以將XPT睇成好似微信錢包或者支付寶錢包咁，充值好之後嘟一嘟就比到錢，都係係部電話度睇到自己帳號有幾多錢，而唔再需要比真實銀紙。
夾公仔哥時，大家會見到XPT回收一行字
景品回收XPT
夾公仔哥時，大家會見到XPT回收一行字
意思係如果你唔想要隻公仔，你可以將佢變成XPT回收左佢，咁上一段文字都講左XPT係同BTC永遠掛勾，換言之夾公仔其實就係夾BTC，睇你想要公仔，定係BTC啦，大家自由選擇。XPT即係BTC，咁BTC價格有上有落，所以同一件景品個XPT回收錢都會有調整， 唔係同一個價格一直維持落去，或多或少跟住BTC走。
沒有留言:
不接受新意見。